ग्रिस को आर्थिक मन्दीले फस्टाइरहेको एउटा अर्को उद्योगलाई आफ्नो चपेटामा पारेको छ
। त्यो उद्योग हो, यौन बजार । रोयटर्सको एक प्रतिवेदन अनुसार ग्रिसका मानिस अहिले
यौन उत्तेजना पैदा गर्ने उपकरण र अश्लील सामग्रीमा खर्च कटौती गर्न थालेका छन् ।
यसको संकेत पछिल्लो साता एथेन्समा भएको यौन मेलामा देखिएको छ । त्यहाँ आयोजना
हुने यौन मेला ग्रिस को सबैभन्दा ठूलो
हो । एथेन्स इरोटिक ड्रिम नामले चल्ने यो मेला पाँच वर्षअघि सुरु भएको हो ।
त्यतिबेला त्यहाँको आर्थिक अवस्था राम्रो थियो र मानिस सुखसयलमा मस्त थिए ।
सुरुका वर्षमा उक्त मेलाले ठूलो संख्यामा मानिस आकषिर्त गरेको थियो । तर जब
ग्रिस मा आर्थिक संकट चुलिँदै गयो र त्यसले बेरोजगारी, कर र तलब कटौती बढाउँदै
लग्यो, त्यसपछि बिस्तारै यो मेलामा आउने मान्छेको संख्या घट्न थाल्यो । रोयटर्सका
अनुसार यो संख्या सन् २००८ को तुलनामा आधाले घट्यो र मेलामा यो वर्ष मात्र १ दर्जन
स्टल राखिए ।
मेला प्रवेशका लागि आवश्यक टिकटको दाम १५ युरो राखिएको थियो । आयोजकले मेलामा
आउने मानिसको संख्या सही रूपमा बताउन सकिरहेका छैनन् । आयोजक जर्ज क्रिसोस्पेथिसले
हरेक वर्ष मेलामा २० देखि ३० हजार मानिस आउने गरेको उल्लेख गर्दै यो वर्ष यकिन
संख्या बताउन नसकिने जनाएका छन् ।
आर्थिक मन्दीले एथेन्समा खुलेका तीन चौथाई यौन सामग्री बेच्ने पसल बन्द छन् ।
एथेन्समा यस्ता पसलको संख्या पहिले ३ सयदेखि ४ सयको बीचमा थियो । मेलामा स्टल
राखेकी मेरियाना लेमनारुले मानिससँग यौनसम्बन्धी सामान किन्ने पैसा नभएकाले
यौनप्रतिको रुचि घटेको बताइन् ।
गि्रसमा यो व्यवसायमा मूल रूपमा साना घरेलु व्यवसायी काम गर्छन् । उनीहरूको
कारोबार विदेशबाट आयात गरिने सामग्रीमा निर्भर छ । ग्रिसमा केही उत्पादक उत्तेजक
कपडा त उत्पादन गर्छन् तर त्यसले आयातित कपडासँग प्रतिस्पर्धा गर्न मुस्किल
परिरहेको
छ । यस्ता कपडा बेच्ने एक पसलेले चिनियाँ र टर्कीका उत्पादनका कारण
प्रतिस्पर्धामा कठिनाइ भएको बताए ।
यौन उद्योगमा काम गर्ने मानिसमा ग्रिसले युरो त्याग्ने चिन्ता पनि उत्तिकै छ ।
ग्रिसमा धेरैजसो सेक्स उपकरण जर्मनी र पोल्यान्डबाट आयात हुन्छ ।
ग्रिसले युरो त्यागेर आफ्नै मुद्रा ड्राख्मा अपनाउनु भनेको यस्ता उपकरण अझ महँगो
बन्नु हो जसका लागि मानिसले पैसा छुट्याउन सक्दैनन् ।
No comments:
Post a Comment