उमाविको नाम २०६५/२०६६ २०६६/२०६७ २०६७/२०६८
औसत
औसत औसत कुल औसत स्थान
प्रसादी एकेडेमी, ललितपुर ९८.१८
९९.५७ ९९.२८ ९९.०१ पहिलो
सेन्ट मेरिज उमावि, जावलाखेल ९९.०२
९४.८७ ९५.४३ ९६.४४ दोस्रो
काठमाडौं मोडल उमावि बागबजार ९३.५४
९६.२५ ९५.८७ ९५.२२ तेस्रो
एनसिसिएस उमावि, पकनाजोल ९४.५८
९२.६८ ९६.०५ ९४.४३ चौथो
कलेज अफ विजनेस एन्ड सोसल
स्टडिज
-कोवास), विराटनगर ९६.२६ ८९.५० ९३.६० ९३.१२
पाँचौ
मेरिल्यान्ड उमावि, विराटनगर ९१.४२ ९७.५७ ८९.४० ९२.७९
छैटौं
युनाइटेड एकेडेमी, ललितपुर ८८.५१ ९३.७२ ९०.१५ ९०.७९
सातौं
ग्लोबल कलेज अफ म्यानेजमेन्ट, बानेश्वर ८९.५९ ९०.४२ ८८.२९
८९.४३ आठौं
सगरमाथा उमावि पोखरा ९३.६५ ८८.८ ८४.७३ ८९.०६
नवौं
नेसनल स्कुल अफ साइन्सेज लैनचौर ९१.८४ ८८.०९ ८६.९४
८८.९५ दशौं
उत्कृष्ट १० उमाविमा को-को पर्छन् होला ? यो
जिज्ञासाको उत्तर बर्सेनि साप्ताहिकले प्रकाशन गर्दै आएको छ। उत्कृष्ट शैक्षिक
परिणामका आधारमा देशका अब्बल १० शैक्षिक संस्था खोज्न साप्ताहिकले तथ्यांक पनि
पल्टाएको छ। उच्च माध्यमिक शिक्षा परिषद्ले उपलब्ध गराएको विवरणअनुसार तीनवटा
ब्याचका ६ वटा परीक्षा परिणाममध्ये औसतमा अग्रस्थानमा रहन सफल उमावि उत्कृष्ट १० मा
छनौट भएका हुन्।
एसएलसीमा उत्तीर्ण भएका करिब २ लाखभन्दा बढी विद्यार्थीलाई
उत्कृष्ट उच्च माध्यमिक विद्यालय छनौट गर्न सहज होस् भनेर साप्ताहिकले एक दशक यता
उमाविहरूको र्याङकिङ गर्दै आएको छ। परिषद्ले सञ्चालन गरेको प्लस टु कार्यक्रम
चलाइरहेका उमाविहरूमध्ये परीक्षामा आफूलाई अब्बल सावित गरेका कलेजहरूको विवरण
हामीले प्रस्तुत गर्दै आएका छौं।
साप्ताहिकले कक्षा ११ र १२ का ६ वटा
परीक्षाका आधारमा निरन्तर अब्बल परिणाममा विद्यार्थीलाई सफल गराउने उमाविहरूलाई
आफ्नै सर्वेक्षण विधिबाट उत्कृष्ट छनौट गरेर उत्कृष्ट १० उमावि सार्वजनिक गर्न
थालेको हो। हाम्रो छनौटको मूल आधार भने परिषद्को तथ्यांक नै हो। निरन्तर तीन
वर्षको परिणाममा पनि सफल भएर उत्कृष्ट १० भित्र स्थान बनाउनु आफैंमा उपलब्धिमूलक
भएकाले तीन वर्षको परिणामलाई आधार बनाइएको हो।
यस्ता छन्
उत्कृष्ट २१. प्रसादी एकेडेमी, मानभवन,
ललितपुर९९.०१
शैक्षिक संस्थाको उत्कृष्टता मापन गर्ने आधार
त्यसले प्राप्त गर्ने शैक्षिक प्रतिफल नै हो। यस हिसाबले प्रसादी एकेडेमी तफाल्हो,
ललितपुरले मुलुकभरका सबै उमाविलाई उछिनेको छ। कक्षा ११ र १२ को परीक्षामा
प्रसादीले विगत तीन वर्षदेखि प्राप्त गरेको औसत नतिजा सबैभन्दा बढी भएकाले उसले
पहिलो स्थान सुरक्षित गरेको हो। तीन वर्षका छवटा परीक्षाको आधारमा गरिएको
मूल्याकंनअनुसार साप्ताहिकले प्रकाशन गर्दै आएको उत्कृष्ट १० कलेजमा निरन्तर
प्रसादी एकेडेमी नम्बर एक पोजिसनमा रहँदै आएको छ। विज्ञान र व्यवस्थापन संकायमा
प्लस टु शिक्षा प्रदान गर्दै आएको प्रसादीले 'एक व्यवस्थापन, एक कार्यक्रम' को
सिद्धान्तलाई अँगालेको छ। सीमित संख्यामा राम्रा विद्यार्थी लिएर उच्च प्रतिफल
हासिल गर्नु प्रसादीको विशेषता हो।
२. सेन्ट मेरिज उच्च
मावि, जावलाखेल९६.४४
थोरै विद्यार्थीमा उच्चतम सफलता हासिल
गर्ने लक्ष्य राखेको यो उमावि मिसिनरिज स्कुलका रूपमा चिनिन्छ। प्लस टुका
परीक्षाहरूमा हासिल गरेको नतिजाले सेन्ट मेरिज उमावि मुलुककै उत्कृष्ट उमाविमा
छनौट भएको हो। कडा अनुशासन, उत्कृष्ट व्यवस्थापन तथा दक्ष शिक्षक शिक्षिका सेन्ट
मेरिजका विशेषता हुन्। आम रूपमा हेर्ने हो भने सेन्ट मेरिजमा अध्ययन गर्न पाउनुलाई
नै सफलता मानिन्छ। साप्ताहिकको सवेर् क्षणमा विगतदेखि नै उत्कृष्ट १० कलेजको सूचीमा
प्रायः सेन्टमेरिज उत्कृष्टमा पर्दै आएको छ। गत वर्ष पनि सेन्ट मेरिज स्कुल दोस्रो
स्थानमै थियो। नियमित अध्ययन अध्यापनका अतिरिक्त ज्ञानमुलक थुप्रै क्रियाकलापमा
विद्यार्थीलाई संलग्न गराउँदै आएको यो कलेजले परिणाममुखी अध्यापन पद्धतिलाई
अँगालेकैले सफलता पाएको बताएको छ।
३. काठमाडौं मोडल उच्च
मावि, बागबजार९५.२२
व्यावहारिक शिक्षामा जोड दिँदै आएको
बागबजारस्थित काठमाडौं मोडल उमावि प्रसादी र सेन्ट मेरिजसँगै निरन्तर उत्कृष्ट
नतिजा हात पार्दै आएको अर्को उमावि हो। परिषद्को तथ्यांकअनुसार पछिल्लो तीन वर्षको
परीक्षाफलमा काठमाडौं मोडल तेस्रो स्थानमा पर्न सफल भएको छ। तीन वर्षयता निरन्तर
यो उमावि आफ्नो तेस्रो स्थान बचाउन सफल छ। बागवजारस्थित यो उमाविले प्रचार
प्रसारभन्दा पनि शैक्षिक गुणस्तरमा ध्यान दिँदै आएकाले सफलता पाएको बताइन्छ। यो
उमाविले अबका दिनमा सबै परीक्षामा नियमित रूपमै शतप्रतिशत परिणाम ल्याउने उद्देश्य
राखेर अघि बढिरहेको बताएको छ। कलेजका प्रबन्ध निर्देशक रामेश्वर अर्यालका अनुसार यो
सफलता प्राप्त गर्न दक्ष शिक्षण टोली, उत्कृष्ट एवं अनुशासित विद्यार्थी तथा
सहयोगी अभिभावकहरूसँगको निरन्तरको सहकार्यले भूमिका खलेको छ।
४. एनसिसिएस उमावि, पकनाजोल९४.४३
अनुशासित वातावरणमा गुणस्तरीय शिक्षा प्रदान गर्दै आएको छ एनसिसिएस कलेजले।
अनुशासन नै कलेजको पहिलो सर्त हो। गत वर्ष आठौं स्थानमा पर्न सफल यो उमावि यो वर्ष
चौथो स्थानमा उक्लिएको छ। विद्यार्थीले कलेज भर्ना भएपछि अनुशासित ढंगबाट
पठन-पाठनमा संलग्न हुनुपर्छ। विद्यार्थी नियमित हाजिर भैरहेको छ/छैन, होमवर्क
गरेको छ/छैन, पर्फर्मेन्स कस्तो छ भन्ने कुरामा सधैं कलेजले निगरानी गछर् । यसैगरी
कक्षा कोठमामा छिर्नुपूर्व नै शिक्षकले सम्बन्धित विषयमा 'वर्कआउट' गर्नुपर्ने
व्यवस्था छ। यसले गर्दा पढाइ प्रभावकारी हुने कलेजका प्रोगाम डाइरेक्टर प्रज्वल
क्षेत्री बताउँछन्। यहाँ कुनै पनि विद्यार्थीले पढाएको कुरा नबुझे वा पुनः बुझ्न
चाहे अतिरिक्त कक्षाको समेत व्यवस्था छ। यसैगरी विद्यार्थीको क्षमता विकासका लागि
आवश्यक विभिन्न क्रियाकलापमा समेत कलेजले जोड दिँदै आएको छ।
५. कलेज अफ विजनेस एन्ड सोसल स्टडिज (कोवास)
विराटनगर९३.१२
स्थापनाकालदेखि व्यवस्थापन संकाय मात्र
अध्ययन गराउँदै आएको यो कलेजले हाल विज्ञान संकायमा पनि अध्यापन गराउँदै आएको छ।
थोरै लगानीमै राम्रो शैक्षिक प्रतिफल लिन यो कलेज निर्विकल्प रोजाइ बनेको छ।
स्थापनादेखि नै राम्रो परिणाम हासिल गर्दै आएको कोवास मो फसलको पहिलो उत्कृष्ट
उमाविमा छनोट भएको छ। विराटनगरकै मेरिल्यान्ड उमावि र यो उमाविको परिणाममा सधैं
तीव्र प्रतिस्पर्धा हुने गरेको छ। प्रतिशतका आधारमा मेरिल्यान्डभन्दा थोरै अगाडि
भए पनि कोवासमा अध्ययन गर्ने विद्यार्थीको संख्या मेरिल्यान्डको भन्दा कम छ।
प्राज्ञिक वातावरणका लागि आवश्यक पर्ने उत्कृष्ट प्राज्ञिक शैक्षिक टिम कोवाससँग
भएको कोवासका पि्रन्सिपल यादवराज कोइराला बताउँछन्।
६.
मेरील्यान्ड उच्च मावि, विराटनगर९२.७९
कम शुल्कमा
गुणस्तरीय शिक्षा हासिल गर्न चाहने विद्यार्थीको रोजाइमा पर्ने गरेको छ
विराटनगरस्थित मेरील्यान्ड उच्च मावि। मोफसलका कलेजहरूमध्ये उत्कृष्ट नतिजा हासिल
गर्ने दोस्रो उमाविका रूपमा मेरिल्यान्डले आफ्नो परिचय बनाएको छ। विद्यार्थी
संख्याका आधारमा हेर्दा मेरिल्यान्ड मोफसलकै सर्वोत्कृष्ट उमावि हो। गत वर्ष
मेरिल्यान्ड पाँचौं स्थानमा थियो। सभ्य एवं अनुशासित नागरिक उत्पादन गर्ने
लक्ष्यका साथ अघि बढेको यो उमाविको व्यवस्थापन समूहमा शिक्षण टोली नै रहनु सफलताको
आधार भएको मेरिल्यान्डका पि्रन्सिपल मनोज अग्रवाल बताउँछन्। यो उमाविले शैक्षिक
भ्रमण तथा विद्यार्थीलाई विषयगत ज्ञानका निम्ति स्थलगत अध्ययनमा सहभागी गराउने,
अध्ययनमा थप बल प्रदान गर्न निःशुल्क ट्युसन सुविधा दिने जस्ता सुविधा प्रदान
गर्दै आएको छ। तीनवटा पुस्तकालय, फराकिला खेलमैदान, नियमित अतिरिक्त क्रियाकलाप यो
उमाविका थप विशेषता हुन्।
७. युनाइटेड एकेडेमी,
कुमारीपाटी, ललितपुर९०.७९
नियमित तीन वर्षयताको
साप्ताहिकको सर्वेक्षणमा युनाइटेड एकेडेमी सातौं स्थानमै अडिरहन सफल छ। 'शिक्षाका
साथै संस्कार' नारा तय गरेको युनाइटेड एकेडेमीले आफ्नो सफलताको आधार कडा अनुशासन,
नियमित अध्ययन-अध्यापनलाई बताउँदै आएको छ। विगतदेखि नै निरन्तर उत्कृष्ट १०
उमाविभित्र आफूलाई राख्न सफल यो उमाविले विद्यार्थीलाई एउटै डिजाइनको ड्रेस लगाएर
मात्र कलेज आउन निर्देशन दिन्छ। फेसनेबल जुत्ता, मोबाइल, चेन, टिमिक्क वा फुकेका
ड्रेस, छोटो स्कर्ट, मोटरसाइकलजस्ता कुरा कलेजले निषेध गरेको छ। यो उमाविले
विद्यालयकै शैलीमा लामो कपाल वा नङ पाल्ने विद्यार्थीलाई दण्डित गर्छ।
८. ग्लोबल कलेज अफ
म्यानेजमेन्ट,मध्यवानेश्वर८९.४३
व्यवस्थापन संकायमा मात्र
अध्यापन गराउँदै आएको ग्लोबल कलेज अफ म्यानेजमेन्ट गत वर्ष एघारौं स्थानमा थियो।
विगतदेखि नै उत्कृष्ट नतिजा हासिल गर्दै आएको यो उमाविले यो वर्ष भने आठौं स्थान
सुरक्षित गर्यो। लगनशील शिक्षकहरूको संयुक्त प्रयासबाटै यो सफलता हात परेको कलेज
स्रोत बताउँछ। ग्लोबलले विद्यार्थीलाई पढाइमा मात्र केन्दि्रत नगराई उनीहरूको
व्यत्तित्व विकासमा समेत ध्यान दिदै आएको छ। जागिर सिर्जना गर्ने सिर्जनशील
व्यवस्थापक उत्पादनमा ग्लोबलले ध्यान दिएको बताउँछ। मुलुकको विकासका निम्ति दक्ष
व्यवस्थापकको खाँचो रहेको पि्रन्सिपल नरबहादुर विष्ट बताउँछन्। विष्टले व्यवस्थापन
संकाय अध्यापनका लागि ग्लोबल कलेजसँग मुलुककै उत्कृष्ट फ्याकल्टी रहे को जिकिर
गरे।
९. सगरमाथा उच्च मावि, पोखरा८९.०६
उत्कृष्ट शैक्षिक नतिजा हासिल गर्दै राम्रो शिक्षालयका लागि राजधानी नै
पुग्नुपर्छ भन्ने मान्यता तोड्न सगरमाथा उमावि पोखरा सफल भएको छ। मोफसलका
उमाविहरूमा तेस्रो स्थानमा रहन यो उमावि सफल भएको छ। विगतमा दुई पटक लगातार चौथो
स्थानमा रहन सफल सगरमाथा उमाविले उत्कृष्ट १० मा नवौं स्थान ओगट्यो। शिक्षामा
समर्पितहरूको टिम स्पिरिटको भावना नै सफलताको आधार भएको सगरमाथा उमाविको ठहर छ।
पोखराका अतिरिक्त कास्की जिल्लाका विभिन्न स्थान तथा अन्य छिमेकी जिल्लाका
विद्यार्थीहरूका निम्तिसमेत पहिलो रोजाइको उमाविका रूपमा सगरमाथा परिचित
छ।
१०. नेसनल स्कुल अफ साइन्सेज (निस्ट),
लैनचौर८८.९५
विज्ञान विषयमा अध्ययन गर्न चाहने
विद्यार्थीहरूका निम्ति सधैं पहिलो रोजाइमा पर्ने नेसनल स्कलु अफ साइन्सेजले दसौं
स्थान सुरक्षित गरे को छ। गत वर्ष यो उमावि नवौं स्थानमा थियो। करिब एक दशकयता
सबैभन्दा धेरै संख्यामा विद्यार्थी लिएर उत्कृष्ट परिणाम हासिल गर्दै आउने एक
मात्र उमावि हो, नेसनल स्कुल अफ साइन्सेज। विद्यार्थीको भविष्यप्रति कटिबद्ध
शिक्षकहरूको अथक प्रयासवाट उमाविले सफलता पाएको निष्टका पि्रन्सिपल माधवप्रसाद
बराल बताउँछन्। बराल भन्छन्- 'उमाविले प्रत्येक विद्यार्थीको क्षमता निर्धारण गरेर
उसलाई सफल बनाउन व्यक्तिगत रूपमै हेरविचार गर्दै आएको छ।' व्यवस्थापन, अभिभावक र
विद्यार्थीबीचको सम्बन्धलाई उत्तिकै ख्याल गर्ने यो उमाविले शै क्षिक सफलताका
निम्ति आन्तरिक परीक्षामा जोड दिँदै आएको छ।
उत्कृष्ट १० उमाविमा को-को
पर्छन् होला ? यो जिज्ञासाको उत्तर बर्सेनि साप्ताहिकले प्रकाशन गर्दै आएको छ।
उत्कृष्ट शैक्षिक परिणामका आधारमा देशका अब्बल १० शैक्षिक संस्था खोज्न
साप्ताहिकले तथ्यांक पनि पल्टाएको छ। उच्च माध्यमिक शिक्षा परिषद्ले उपलब्ध गराएको
विवरणअनुसार तीनवटा ब्याचका ६ वटा परीक्षा परिणाममध्ये औसतमा अग्रस्थानमा रहन सफल
उमावि उत्कृष्ट १० मा छनौट भएका हुन्।
एसएलसीमा उत्तीर्ण भएका करिब २
लाखभन्दा बढी विद्यार्थीलाई उत्कृष्ट उच्च माध्यमिक विद्यालय छनौट गर्न सहज होस्
भनेर साप्ताहिकले एक दशक यता उमाविहरूको र्याङकिङ गर्दै आएको छ। परिषद्ले सञ्चालन
गरेको प्लस टु कार्यक्रम चलाइरहेका उमाविहरूमध्ये परीक्षामा आफूलाई अब्बल सावित
गरेका कलेजहरूको विवरण हामीले प्रस्तुत गर्दै आएका छौं।
साप्ताहिकले कक्षा
११ र १२ का ६ वटा परीक्षाका आधारमा निरन्तर अब्बल परिणाममा विद्यार्थीलाई सफल
गराउने उमाविहरूलाई आफ्नै सर्वेक्षण विधिबाट उत्कृष्ट छनौट गरेर उत्कृष्ट १० उमावि
सार्वजनिक गर्न थालेको हो। हाम्रो छनौटको मूल आधार भने परिषद्को तथ्यांक नै हो।
निरन्तर तीन वर्षको परिणाममा पनि सफल भएर उत्कृष्ट १० भित्र स्थान बनाउनु आफैंमा
उपलब्धिमूलक भएकाले तीन वर्षको परिणामलाई आधार बनाइएको हो।
वर्ष २०६५
कक्षा ११, २०६६ कक्षा १२, वर्ष २०६६ कक्षा ११, २०६७ कक्षा १२ तथा २०६७ कक्षा ११ र
२०६८ कक्षा १२ को परीक्षाको परिणामका आधारमा न्यूनतम् १ सय २५ विद्यार्थी भएका
उमाविलाई यो सर्वेक्षणमा सहभागी गराइएको थियो। कुल विद्यार्थी संख्यालाई कुल उमावि
संख्याले भाग गर्दा आएको औसत १ सय २५ विद्यार्थी संख्यालाई आधार मानिएको हो। उच्च
माध्यमिक शिक्षा परिषद्ले उपलब्ध गराएको तथ्याङ्कका आधारमा उत्कृष्ट १० र्याङकिङ
तयार गरिएको हो। यस विषयमा पाठकले आफैं बुझ्न चाहे परिषद्ले उपलब्ध गराउने तथ्यांक
हेरेर जााच्न सक्नुहुनेछ।
हामी स्पष्ट भन्छौं, यो एक वर्षको परीक्षाफलका
आधारमै यिनै कलेजहरू मात्र सबै दृष्टिकोणले उपयुक्त छन भन्ने छैन। थोरै प्रतिशतको
अन्तरले गर्दा बाहिरिएका कलेजहरू पनि थुप्रै छन्। गत वर्ष दसौं स्थानमा पर्न सफल
श्री उमावि गरुडा रौतहट यो वर्ष उत्कृष्ट १० बाट बाहिरिएको छ। यो वर्ष श्री उमावि
तेह्रौं स्थानमा पुग्यो। अनियमित ढंगले परीक्षा संचालन हुने भनेर परिषद स्रोतले नै
जानकारी दिए पनि परिषद्कै तथ्यांकमा अब्बल देखिएकाले श्री उमाविलाई हामीले गत वर्ष
उत्कृष्ट १० भित्र राखेका थियौं, तर यसपटक यो उमाविको पोजिसन आफैं झर्यो।
ग्लोबल कलेज अफ म्यानेजमेन्ट गत वर्ष थोरै प्रतिशतको अन्तरले ११ औं स्थानमा
थियो, तर यो वर्ष आठौं स्थानमा पुग्न सफल भयो। दुई वर्ष अघि दसौं स्थानमा परे पनि
ग्लोबल गत वर्ष उत्कृष्ट १० मा अटाउन सकेको थिएन। यो वर्ष उत्कृष्ट १० मा प्रवेश
गर्ने उमावि ग्लोबल एक मात्र रह्यो। प्रतिशतको झीनो अन्तरले गोल्डेन गेट
इन्टरनेसनल ११ औं स्थानमा रहन बाध्य भयो। एनसिसिएस, पकनाजोलले राम्रो रिजल्ट
प्रदर्शन गर्दै गत वर्षको आठौं पोजिसनलाई यो वर्ष चौथोमा पुर्याएको छ। एनसिसिएस गत
वर्ष मात्र उत्कृष्ट १० मा स्थान बनाउन सफल उमावि हो। गत वर्ष चौथो स्थानमा रहेको
सगरमाथा उमावि पोखरा यो वर्ष नवौं स्थानमा पुगेको छ। विराटनगरस्थित मेरिल्यान्ड
उमावि एवं कलेज अफ बिजनेस एन्ड सोसल स्टडिज -कोवास) को औसत उत्तीर्ण दर झन्डै बराबर
भए पनि मेरिल्यान्डमा अध्ययन गर्ने विद्यार्थीहरूको संख्या बढी छ। धेरै
विद्यार्थीका आधारमा मेरिल्यान्ड मोफसलकै सर्वोत्कृष्ट कलेज हो।
एस उमावि
बानेश्वर थोरै प्रतिशतको अन्तरले पछाडि परेर चौधांै स्थानमा पुगेको छ। परिणामका
आधारमा गोर्खा इन्टरनेसनल पब्लिक स्कुल घोराही दाङ पन्ध्रौं, मुनलाइट उमावि
ललितपुर सोह्रौं, जनता उमावि कटहरिया रौतहट सत्रौं, काठमाडौं बर्नहार्ट बल्खु
अठारौं, पद्मरत्न विद्या मन्दिर मलंगवा उन्नाइसौं, जेभियर एकेडेमी बीसौं स्थानमा
रहे।
एभरेष्ट इन्टरनेसनल सिराहा, काठमाडौं डनबस्कोबाट हाल नाम परिवर्तन
भएको कान्जिरोवा उमावि, रिलायन्स इन्टरनेसनल चाबहिल, ख्वप कलेज भक्तपुर, अर्किड
साइन्स कलेज भरतपुर, अरनिको आवासीय उमावि विराटनगर, मोडल उमावि जनकपुर, सफ्टेक
उमावि लहान राम्रो परिणाम ल्याउने कलेजमा थिए।
काठमाडौंका जेभियर
इन्टरनेसनल उमावि कालोपुल, पिनाकल एकेडेमी लगनखेल, क्यास्पियन भ्याली कलेज
कुमारीपाटी, एनआइसी उमावि गुर्जुमार्ग डिल्लीबजार, प्राइम इन्टरनेसनल उमावि
चाबहिल, हिमालय ह्वाइट हाउस उमावि नया बानेश्वर, भिएस निकेतन उमावि आलो कनगर तथा
दार्चुलाको गोकुलेश्वर उमावि गोकुले उत्कृष्ट कलेजकै सूचीमा थिए।
थोरै
विद्यार्थीमा राम्रो गर्ने भन्दा पनि धेरैमा राम्रो गर्नेहरूलाई प्राथमिकता
दिनुपर्छ भन्ने आधारमा छनौट गरिएकाले थोरैमा उत्कृष्ट परिणाम ल्याउने थुप्रै कलेज
छनौट प्रक्रियामै आउन सकेनन्। पोखरास्थित गण्डकी बोर्डिङ पोखरा, एसओएस काठमाडौं,
पोखरा, बुढानीलकण्ठ स्कुल काठमाडौं यस्ता केही उदाहरण हुन्।
विद्यार्थीलाई
हामी भन्न चाहन्छौं, रिजल्टकै आधारमा मात्र पनि कलेज उत्कृष्ट हुन सक्दैनन्, यो त
उमावि मूल्याकंन गर्ने एउटा मापदण्ड मात्र हो। उत्कृष्ट शिक्षण समूह, पारिवारिक
शैक्षिक वातावरण, आवश्यक भौतिक पूर्वाधार र अतिरिक्त क्रियाकलापलाई पनि महत्त्व
दिने अवस्थामा पनि कलेजको मूल्याकंन छुट्टै ढंगले गर्न सकिन्छ।
सर्वेक्षणका क्रममा विगतदेखि नै सर्वोत्कृष्ट रहँदै आएको प्रसादी एकेडेमी,
कुमारीपाटी तीन वर्षको परिणाममा पनि एक नम्बरमा पर्यो। गत वर्षझैं सेन्टमेरिज
उमावि, जावलाखेल दोस्रो स्थानमा रहयो भने गत वर्षको तेस्रो स्थानलाई काठमाडौं मोडल
उमावि, बागबजार यसपटक पनि कायम राख्न सफल भयो। चौथो स्थानमा भने गत वर्षको
नवप्रवेशी एनसिसिएस उमाविले बाजी मार्यो।
मोफसलबाट यो वर्ष सर्वोत्कृष्ट
रहन भने विराटनगरस्थित कलेज अफ बिजनेस एन्ड सोसल स्टडिज कोवास सफल भयो। विराटनगरकै
मे रिल्यान्ड उमावि उत्कृष्ट १० मा छैटौं स्थानमा रहयो। विगतझैं यस पटक पनि
युनाइटेड एकेडेमी कुमारीपाटी सातौं स्थानमै आयो। आठौं स्थानमा नवप्रवेशी ग्लोबल
कलेज अफ म्यानेजमेन्ट बानेश्वर पर्यो। नवौं स्थानमा गत वर्ष चौथो स्थानमा रहेको
सगरमाथा उमावि पोखरा पुग्यो। नेसनल स्कुल अफ साइन्सेज लैनचौरले दसौं स्थान पक्का
गर्यो। नेसनल स्कुल अफ साइन्सेज सबैभन्दा धेरै विद्यार्थीमा सर्वोत्कृष्ट परिणाम
ल्याउने उमावि हो।
