उनीहरूले फ्लोइड मेवेदर जुनियरलाई 'मनी' अर्थात पैसा उपनाम दिएका छन् । त्यसको कारण छ । गत वैशाखसम्मको १२ महिनामा फ्लोइडले जम्मा २ वटा भिडन्तमा भाग लिए र भिक्टर ओरिज र मिगेल कोटोजस्ता हस्तीलाई हराए । यी दुई भिडन्तमा उनी रिङमा एक घन्टाभन्दा कम बसे । तर उक्त अवधिमा उनले ८ करोड ५० लाख अमेरिकी डलर कमाए ।
यही कमाइले उनी विश्वका सबैभन्दा बढी पैसा लिने खेलाडीमा दर्ज भए । फोब्र्सले ३ महिना अगाडि प्रकाशन गरेको सूची अनुसार उनको कुल सम्पत्ति यी दुई भिडन्तमा कमाएभन्दा कम अर्थात जम्माजम्मी ४ करोड अमेरिकी डलर मात्र छ । तर उनको पछिल्लो कमाइले सन् २००१ यता सबैभन्दा बढी पारिश्रमिक पाउने खेलाडीको कीर्तिमान राखेका गल्फ खेलाडी टाइगर उड्सलाई समेत पछि पार्यो । सन् २०१२ मा उड्स सबैभन्दा बढी पारिश्रमिक पाउने खेलाडीको सूचीको तेस्रो नम्बरमा छन् । तर कुल सम्पत्ति ५ करोड ८० लाख अमेरिकी डलर सहित उनी फ्लोइडभन्दा धनी छन् । फ्लोइड संसारकै ४३ औं धनी खेलाडी हुन् । विश्वका सय सेलिब्रटीको सूचीमा भने उनी ५२ नम्बरमा छन् भने रेडियो र टेलिभिजनमा छाउने सय व्यक्तिमा उनी ६२ औं स्थानमा छन् । पत्रपत्रिकामा सबैभन्दा बढी छापिनेको सूचीमा ६२ औं नम्बरमा परेका उनी वेबमा सबैभन्दा बढी खोजिने ७७ औं व्यक्ति हुन् ।
फ्लोइडको कमाइको स्रोत बक्सिङ मात्र होइन । उनी मेवेदर प्रोमोसन्स नामक कम्पनीबाट अभिनय र खेल प्रदर्शन समेत गर्छन् । अमेरिकाको लस भेगासका उनका ४ सन्तान छन् ।
फेब्रुअरी २४ सन् १९७७ मा जन्मेका फ्लाइडले बक्सिङमा ८ वटा विश्वस्तरीय पुरस्कार पाएका छन् । दर्जनौं अन्तर्राष्ट्रिय पुरस्कार सहित दुई पटक 'द रिङ फाइटर अफ द इयर' उपाधि हात पार्न सफल उनले बक्सिङमा दर्जनौं अन्तर्राष्ट्रिय प्रतिस्पर्धा जितेका छन् ।
अपराजित व्यवसायिक बक्सरका रूपमा चिनिने उनी केही साताअघि भने घरेलु हिंसाको अभियोगमा जेल परेका थिए । अमेरिकाको ग्रान्ड र्यापिडमा जन्मेका फ्लोइडका पिता फ्लोइड मेवेदर सिनियर र काकाद्वय जेफ र रोजर सबै व्यावसायिक बक्सिङ खेलाडी थिए । उनका प्रशिक्षक समेत रहेका रोजरले विश्वस्तरीय बक्सिङ प्रतिस्पर्धामा २ वटा उपाधि जितेका छन् ।
फ्लोइड सानैदेखि बक्सिङमा रुचि राख्थे । अन्य व्यवसायलाई उनले कहिल्यै पनि बक्सिङलाई जस्तो गम्भीरतापूर्वक लिएनन् । बक्सिङकै कारण हाई स्कुल तहको पढाइ समेत छाडे । तर उनको परिवार नशालु पदार्थको समेत कारोबार गथ्र्यौं । उनकी आमा दुव्र्यसनी थिइन् भने काकी दुव्र्यसनको कारण एड्स लागेर मरिन् । उनका पिता आफू हिरोइन बेच्थे । तर उनका पिताले उनमा कहिल्यै आफ्नो नशालु पदार्थको कारोबारको छायाँ पर्न नदिएको बताइन्छ । 'उहाँले धेरैजसो समय मलाई जिम हलमा पुर्याउने र बक्सिङ सिकाउने काममा बिताउनुभयो,' फ्लोइडले आफ्नो पिताबारे भनेका छन् ।
सन् १९९३ मा गोल्डेन ग्लोभ्स नामक अमेरिकाको राष्ट्रिय स्तरको बक्सिङ प्रतिस्पर्धा जितेपछि उनले पछाडि फर्केर हेर्नुपरेको छैन । त्यसको तीन वर्षपछि उनले एटलान्टामा भएको ओलम्पिकमा कास्य पदक जिते । अब्बल प्रतिरक्षात्मक कुशलताका कारण अन्तर्राष्ट्रिय र राष्ट्रियस्तरका तीन दर्जनभन्दा बढी बक्सिङ प्रतिस्पर्धा जितेका उनको अन्य खेलाडीजस्तो अनुहार र शरीरमा चोटपटकको दाग छैन । त्यही भएकाले उनलाई 'पि्रटी ब्वाइ' उपनाम समेत दिइएको छ ।
No comments:
Post a Comment