डीजीकमका ३ नयाँ राउटर बजारमा

काठमाडौं , असार २५ - हाइटेक डिस्ट्रिब्युटरले डीजीकमका नयाँ रेन्जका वायरलेस राउटर नेपाली बजारमा भित्र्याएको छ । कम्पनीले १ सय ५० एमबीपीएसको एकल पोर्टको मोडेम, ३ सय एमबीपीएसको ४ पोर्ट भएको मोडेम र ३ सय एमबीपीएसकै ४ पोर्ट भएको ब्रोडब्यान्ड राउटर ल्याएको विज्ञप्तिमार्फत जनाएको छ । नयाँ उत्पादनपछि बजारमा सबैभन्दा बढी रेन्जका राउटर डीजीकमकै भएको कम्पनीले दाबी गरेको छ । यी उत्पादन गुणस्तर, सफ्टवेयर, टिकाउ र बिक्रीपछिको सेवा र प्रतिस्पर्धी मूल्यका रहेको कम्पनीले जानकारी दिएको छ ।