टोयोटाले ल्यायो सडक दुर्घटना टार्न सक्ने कार

गाडी निर्माता कम्पनी टोयोटाले लस भेगासमा आगामी साता हुने कन्ज्यूमर इलेक्ट्रोनिक्स शो’ अघि लेक्सस कारको एक भिडियो क्लिप सार्वजजिक गरेको छ ।

प्रविधीले सुजजित उक्त कारले सडकमा हुने दुर्घटना टार्न सक्छ । कारमा राडर र भिडियो क्यामरा जडान गरिएको छ, जसले सडकका साथसाथै आसपासको क्षेत्र र ड्राइभरमाथि नजर राख्छ ।

टोयोटाका प्रवक्ताका अनुसार यो सर सडकमा गुडिरहँदा अन्य सवारीसँग सम्पर्क पनि स्थापित गर्न सकिन्छ । टोयोटाले भनेका छ–‘हामी यस्तो कार बनाउन चाहन्छौं, जसले सडकमा हुने दुर्घटना पूर्ण रुपमा रोकोस ।’

इन्टेलिजेन्ट ट्रान्सपोर्ट सिस्टम

लेक्सस कारमा इन्टेलिजेन्ट ट्रान्सपोर्ट सिस्टम जडान गरिएको टोयोटाले जनाएको छ । यो प्रविधीले ड्राइवरमाथि अनुगमन गर्ने कम्पनीको दावी छ । यसले ट्राफिक नियम पालानामा समेत सहयोग गर्ने बताइएको छ । यो प्रयोग ड्राइवर स्वयंमले गनुपर्छ, तर यो प्रविधी स्वयंमले पनि कारलाई नियन्त्रणमा राख्न सक्छ । यसले सडकका पैदलयात्रीको पनि नजर राख्छ ।

टोयोटाले ट्वीटरमा भनेको छ–‘हाम्रो उन्न प्रविधी कार उद्योगलाई एक नयाँ स्वचालित युगमा लैजाँदैछ ।’