तीस तोला सुन चोरी

काठमाडौ, श्रावण २ - ललितपुरको जावलाखेलमा तीस तोला सुन चोरी भएको छ । जावलाखेलका जीवन थापाको घरमा सोमबार दिउँसो आएका चोरले तीस तोला सुन र एउटा ल्यापटप चोरी गरेको महानगरीय प्रहरी परिसर ललितपुरका एसपी वसन्त पन्तले जानकारी दिए ।
पन्तका अनुसार परिवारका सदस्य माथिल्लो तलामा बसेका बेला आएका चोरहरुले तल्लो तलाको दराजमा रहेका सबै गहनाहरु लगेका हुन् ।
घरका सदस्यले राति ७ बजे मात्र थाहा पाएको प्रहरीले जनाएको छ । उनीहरुले प्रहरीलाई राति पौने १० बजे मात्र खबर गरेको पन्तले जनाए ।
पन्तले चोरी गर्नेहरु थापाको परिवारलाई जान्ने व्यक्तिहरु नै भएको हुननसक्ने बताउँदै उनीहरुको खोजी भइरहेको बताए ।