सर्वसाधारणको पहुच बाहिर सुन

 

• प्रति तोला ५७ हजार नाघ्यो, ७ वर्षमा झण्डै ५ गुणा वृद्धि

• ०६२ सालको सुरुतिर प्रतितोला मूल्य १२ हजार थियोकाठमाडौ, अषाढ ३ - लगातार बढेको मूल्यको कारण सुन सर्वसाधारणको पहुच बाहिर गएको छ । तीन वर्षमा सुनको मूल्य दोब्बरले बढे पनि सुन किन्न धेरै सोच्नु पर्ने अवस्था आएको हो । जसको कारण स्थानीय बजारमा पुराना गहनालाई नयाँ बनाउने र कम सुन किन्ने ग्राहक बढेको व्यवसायीहरू बताछन् ।

'पाँच वर्षमा सुनको भाउ तिन गुणाले बढेको छ,' सुनचाँदी व्यवसायी संघका अध्यक्ष तेजरत्न शाक्य भन्छन्, 'यसले सुनको माग घटाएको छ ।' यसो त यस साता लगातार तिन दिन सुनको मुल्यले नया रेकर्ड कायम गर्यो । यस साता प्रतितोला सुनको मुल्य ५७ हजार भन्दा माथि पुग्यो ।
शाक्यका अनुसार ०६५ सालको शुरुमा २१ हजार रुपैयाको हाराहारीमा थियो । ०६६ सालमा यो बढेर तोलामा २५ हजार रुपैयाको हाराहारीमा पुग्यो । ०६७ सालमा ३२ हजार रुपैया कायम भयो । '०६८ सालको शुरुमा सुनको मुल्यमा उच्च बृद्धि भइ तोलामा ४१ हजार रुपैयाको हाराहारी कायम भएको थियो,' उनले भने, 'त्यसपछि लगातार बढेर ०६८ सालको मंसिरमा आउदा प्रतिदश ग्राम सुनको मुल्य ५५ हजार ८ सय रुपैया कायम भएको थियो ।' अहिले सुनको ५७ हजार भन्दा बढी पुगेको छ । ६२ सालमा प्रतितोला सुनको मुल्य १२ हजार रुपैयामात्र थियो ।
'एक बर्षको अवधिमा सुनको मुल्य उच्च दरले बढ्यो,' उनी भ्छन्, 'यसले बजारमा घटाएको छ ।' विवाहको लागि सुन किन्नेले उच्च मूल्यको कारण परिणाम घटाउने गरेको उनले बताए । '१० किलो सुन किन्ने योजना बनाएकाले पनि परिणाम घटाएर किन्ने गरेका्छन्,' उनले भने । बजारमा अहिले आधाभन्दा धेरै सुनको माग पुरानो गहनाले धान्ने गरेको उनले बताए । 'मुल्य बढेपछि घरमा भएको सुनलाई नया डिजाइनमा बनाएर काम चलाउने अहिले धेरै्छन्,' उनले भने, 'यसले दैनिक सुनको माग घटाएको छ ।' नक्कली गहना किन्ने पनि बढेको उनले बताए ।